ازاي المواقع بتكسب فلوس ؟؟؟

ازاي المواقع بتكسب فلوس :D ؟؟؟
كتيير اوي الناس بتسأل هو الموقع الفلاني دي بيكسب منين ؟؟؟ مواقع الاخبار مثلا او المواقع اللي بتقدم خدمات من غير مقابل مباشر زي مثلا " olx " اللي بيسمحلك انك تعرض منتج عليه او تشتري منه من غير ولا مليم

حاولنا نجمعلكم افضل الطرق اللي تقدر من خلالها تجيب فلوس من موقعك
1- Cost-Per-Click Ads (Google AdSense)
ودي فكرتها انك بتعمل حاجه اسمها Google AdSense اكونت وده بيبقي عباره ان فيه بعض الشركات زي مثلا samsung بتحتاج تعمل اعلانات فبتروح لي googe وتقولها انا محتاجه اعرض الاعلان ده وانت بدورك تروح لي جوجل وتقولها انا موافق اعرض الاعلانات دي في موقعي وبتحدد بعض المساحات في الموقع اللي بتكون فيها الاعلانات وجوجل بتدفعلك فلوس علي كل مشتخدم يعمل click علي اي اعلان موجود وكل click بيبقي ليها سعر مختلف علي حسب حاجات كتيير وطبعا كل ما عدد المستخدمين زاد كل ما احتماليه ال click تبقي اكتر وعليه يبقي المكسب اكتر وده اشهر انواع الاعلانات علي الاطلاق
وده فيديو بيشرح الطريقه دي
https://www.youtube.com/watch?v=fdxQ6m32_Sk
2- Cost-Per-Click Ads (Infolinks)
موقع infolinks ده برده بيعتمد علي الدع مقابل ال click زي google adsense بس الفرق هنا بتبقي في طريقه عرض الاعلان في الطريقه الاولي الاعلان بيبقي عباره عن صور والمشتخدم بي click عليها انما ده بيختار بعض الكلمات العاديه اللي بتبقي موجوده في الموقع وبيحط تحتها خطين ولما المستخدم يعدي علي الكلمه بالماوس الاعلان يظهر
زي الموقع ده مثلا : http://scmplayer.net/
وده لينك الموقع اللي بيقدم الخدمه دي : http://www.infolinks.com/
3- Cost-Per-Mille Ads
ودي بقي يا عم بتتحسب مع كل الف عميل يدخل موقعك ودي مناسبه جدا لي المواقع الضخمه اللي مستخدمينها كتير جدا اللي بيحصل انا الموضوع هنا ملوش علاقه بالclick يعني مثلا samsung هتعمل اعلان وعلي كل الف مستخدم هيدخلوا الموقع سواء عملوا click او لا هتدفع مثلا 5 دولار وبرده من اشهر الشركات اللي بتبني النوع ده هي google
4- Subscriptions and Paywalls
وده باختصار ان المواقع بتعمل خدمات مميزه لي الحسابات اللي بتدفع فلوس يعني بيبقي فيه نوعين من الحسابات واحد ببلاش ونوع تاني بفلوس هنفترض مثلا ان الموقع بيقدم فيديوهات فالحسابات اللي بفلوس هتقدر تشوف الفيديوا باعلي جوده انما الحسابات التانيه هتشوفه بجوده ضعيفه . او مثلا انك تمنعهم من نوع معين مميز من الفيديوهات
5- Fixed-Price Ads
وده نوع بسيط جدا وهو انك بتتفق مع شركه معينه من غير اي وسيط انك تعرضلها مساحه معينه من الاعلانات مقابل مبلغ ثابت في السنه
كده فاضل نوعين مهمين بس وهما Sponsored Content و Email Advertising
هنسيبكم انتم تعملوا سيرش عليهم وتقلولنا فهمتوا ايه
لو اتعاملت مع اي نوع من اللي اتشرحوا متنساش تقولنا تجربتك :D ؟؟؟