نقرا في ردود أفعال البنكاجية كيفاش الشعب متشمت فيهم ويحقد عليهم ويقولو هما يعانو ومجرد صبابة ماء على اليدين...هما كي تشوف الشهرية قوية برشا حسب الإتفاقية القطاعية متاع الجامعة العامة للبنوك أقل شهرية 1300 عساس والإطارات اقلها 1800 عندهم ثلاثة شهريات زايدة و ظاهرلي لبسة و يوخذو قروض من غير فائض...توا زدت قريت أنو ثمة مناولة في القطاع...
هذا شنوا يقولو:
"إن شاء الله يتفكرو حق الشباب الي يخدم تحت شركة المناولة ***" كذبة كبيرة تقول يخدم في بانكة تقول خلات وهو ياخو في 650 دايما تقولوا الحمد لله أما بالنسبة لبانكة تربح في المليارات باهم حرام أقل واحد عندو ليسانس ويقعد مدفون 3 سنين مبعد يطيشوه في بالوا باش يرسموه لكن للأسف يعوضوك بواحد في نهار تخدم روبو
نحكي خاصة على ال**** اكثر بانكة داخلة في الكذبة هاذي
ربي ينصر الحق"
هما توا عاملين إضراب ويقولو الي الناس تغار منهم وحاقدين عليهم ،في الكرورونا قصو للناس برشا قصاصات ،قالو نحنا مجرد وسائل تنفيذ ...
هيا نعاونوهم كمفاوضين باش يفكو حقهم ...
خاطر العروفات شادين الباس وزيد سمعت نحولهم برشا إمتيازات ...
وقالوا باش ينقصوا من الإطارات يعني باش يصيرلهم كيما إضراب المهندسين الفاشل...
Enregistrer un commentaire