كلب الأطلس و إلا الكلب العربي و القطوس العربي مواصفاتهم كيف و إلا خير من السلالات المهجنة

في ذكريات الفيسبوك الصباح جتني تصاور كلاب و قطاطس مربيهم قبل ،القطوس الأحمر ديما داز فيها طيب والي يجي يخليه يهزو خاطر باش يوكل ،الآخر فرعوني تقريب ما يحبش شكون يقربو أما مع الفيران الرحمة لا ،يعني يأدي مهمتو الطبيعية في المدن الصغرى و الأرياف ببسالة ،ثمة مرة وقفوا حشاكم ثعبان صغير.

الكلاب عددهم برشا ،في الليل قاطعين دابر الخنازير و كل حاجة تتحرك .لكن ماهومش شرسين كيما الأنواع الي تتربى في المدن .

وعندهم ذاكرة قوية ،قد ما تغيب وترجع يتذكروك ...حسب رأيي القطط في المدن و إلا في اي بلاصة تصنع روحها وحدها خاطرها حيوانات إعتمادية ،يعني هاك النواح الي نشوفو فيه في مجموعات الفيسبوك حكايات فارغة ،كي تخرجو من الدار يصنع روحو بروحو ،أول حاوية نفايات توا يستقات منها ،بالطبيعة إذا قطوس عربي موش باش يتبناه حد ...الكلاب البيضة smart و clever وموش مهجن قالو قيداتو المغرب بإسمها ،ما نعرفش شنيا الجدوى الإقتصادية من الحكاية ...نظريتي الهاسكي مثلا قاعد يتعذب في تونس و يلزم تقيم بيه في السخانة والأنواع الأخرى زادا نهار الكل و إنت تطيبلو في المقرونة وتدور على المطاعم على الفضلات متاع اللحم ...الكلب الأبيض متواضع و يوكل آش ما جاء وما يتشرطش وحارس ممتاز ...نفس الشيء القط العربي بحبوح وذكي وزادا ما يتشرطش يعيش على ماكلة أهل الدار وموش مراض ...بالطبيعة ال véto ما تساعدهمش خاطر خدمتهم الحيونات الأليفة المهجنة المراضة ...
شنوا تفضل في تربية الحيوانات الأليفة؟
عندكش حيوان نادر كي تلقاه تربيه؟