قبل كانت مرتي تنحي الشحم من اللحم و تنظف 100%. توا رجعت ما عادش تنحي في الشحم من اللحم.
السبب هو كون الشحم ضروري للبدن متاع الانسان، و يعاون في تنحية السموم، بخلاف ضروري جدا في صناعة الهرمونات: بدن بلاش دهون و بالتحديد بلاش كوليستيرول ما ينجمش يخدم و يصنع بروجيستيرون: هرمون الانوثة.
بعض اطباء الغدد و كثر مرض الغدد في السنوات الاخيرة، رجعوا ينصحوا "كول الشحمة".
هو كي تجي تشوف ماناش امريكان ناكلو في ماكدونالد يوميا او نهبطو نعملوا مشاوي بطريقة جماعة التكساس: ما قدره 400 ڨرام لحم و شحم مع بعضو.
و الشر الكبير يظهرلي جاي من هاذوكة الحاجات الاصطناعية متاع الزيوت المهدرجة و الجبن المغشوش في شكل مستحضر غذائي.
فمة نظام غذائي اسمو paléo, يقوم على مبدا الماكلة مثل الانسان البدائي (زعمة زعمة) اللي ما فيهاش سكّر و فارينة، اما فيها الشحم عادي.
اعتقد لو جا الشحم مضر بالحق، راهو نهانا عنو سيد الخلق محمد صلى الله عليه و سلم، او في القرٱن. لكن تم حرمان بني اسرائيل لهم من الشحوم اللي عقابا لهم ما هياش كاشير. 
الروامى يعجبوني في كوجينتهم يطيبوا برودو بالعظم و فيه برشة شحم متاع العظم (المخ): بعد يخليوه يبرد و يكركفو الشحم الفوقاني و يحطوه في الدبابز. bone brothبنة عالمية و يصحح مليح. طبعا يخليوه يطيب بين 24 و 48 ساعة و ليس برودو تونسي اذا طارت ساعتين فوق النار. احنا الاغلبية تتجنب المعظمة من الزيت اللي يطفح بالشحومات متاعها، بينما الحل هو تخليه يبرد و تكركف الشحم.
فمة برشة محتوى فايسبوكي متاع نظرية مؤامرة و كذا. باش يبيعوا دوايات و باش يبيعوا WeightWatchers و باش يبيعوا اشتراكات في قاعات الرياضة
اما احقاقا للحق، طرف مشوي يلزم فيه طرف شحم: منو فيه، زيتو يقليه.
تصلب الشرايين، غلظ الدم: كلها من الملح الزايد، و من الزيوت المهدرجة و من قلة الرياضة، و من السكّر، اكثر منو شحم برك؛ لانهم يحكيوا الكوليسترول الضار و الكولتسرول الحميد
سباڨتي بولوناز البنة متاعها سخونة شوية باللحم مفروم فيه طرف شحم
هل الشحم في كوجينتكم حاجة محرمة او عيب؟
Enregistrer un commentaire