تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.
اغلبية الشعب تتشكى من السياسيين : سرقونا ، باعو البلاد ، مش حاسين بينا ، كركارة . . .و في نفس الوقت ممكن يعملو كيفهم بالضبط ولا اكثر كان جاتهم الفرصة ، مانيش نبرر في افعال السياسيين اما نحب نقول الي حد مايرى روحو "المشكل" ديما نراو رواحنا صحاح و منخمموش بش نحاسبو رواحنا . . .
بش تحكم على العبد اعطيه شوية سلطة ماغير اي نوع متع محاسبة و شوفو كيفاش يتصرف مع الي تحت سلطتو وقتها تنجم تحكم خاتر كان عندو "تفرعين" وقتها يضهر. . .
"التفرعين" سيدي خويا (اختي)عندو اكثر من وجه و ياخذ اكثر من شكل : الراجل على المرأة ، الوالدين على ولادهم ، المعلم على تلامذتو ،السياسي على الشعب . . . الخ ، و اذا بش نقعدو نفرقو و نصنفو في العنف و كل نوع نحاولو نفهموه و نحلوه وحدو ولا بش نقعدو نلومو لخرين و منلوموش رواحنا عمرنا مانا بش نتبدلو و مظلومين ليوم هوما ظالمين غدوة . . .
ان شاء الله الافكار مرتبة و واضحة . . .
إرسال تعليق