تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.
شخصيا تعاملت مع تركي قبل كنت نخدم في شركة تبيع في البلاستيك الموجه للبناء جاء لتونس و خدم عامل في مصنع بلاستيك في بنزرت و بعد جانا للشركة و إقترح علينا أنو يصنعلنا ال bagette على 750 مليم ،نحنا كنا نستوردو فيها بسعر 1250 و نبيعوها ب 1500...هو جايب آلة من بلادو ،بعد مدة شفت انهم زادا يصنعو فيها و ثمة تونسي يعيش في إصطمبول توا يصنع مختلف الآلات كيما الي تصنع الڨوبليات و الي تغسل الزرابي و غيرها ...نفس الشي بالنسبة للصين نعرفوها بطبيعتنا كأكبر دولة مقلدة و تستعمل فروع أجهزة المخابرات باش تسرق مجهود الآخرين ...الدولتين هاذم مكرسين مجهودات جبارة ومعاضدهم الجامعات و والدولة متاعهم باش ينتشرو في أرجاء العالم ويبيعو البضاعة متاعهم و راكمو فوائض مالية كبيرة خلتهم يكتسحو كل الدول ،كيما الصين الي عاملة مبادرة الحزام و الطريق و تسلف في دول فقط باش تبني جسور و موانئ وين توصل بضاعتها ...بالنسبة لأوروبا و أمريكا أزمة الكوفيد ضعضعت برشا دول خاصة الغير منتجة أو مصنعة ...الدولتين هاذم دول قومية تهمها مصلحة بلادها أولا و انها تخلق أسواق جديدة بكل الوسائل ...
في تونس فقدنا القدرة على الإنتاج في برشا قطاعات وبقينا كان نعيطو و أصحاب المصانع ولو يستعملو في السيولة للتوريد وأحسن مثال المعامل الآلية بالساحل الي فقدت التنافسية و تقريب سكرت و برشا شركات سكرت وزيد الجارة المغرب إستحوذت على عدة إستثمارات تونسية و أجنبية ...
برشا ينادو بفرض ضرائب و إلا إلغاء الإتفاقيات التجارية ،حبيت ننوه أني موش ساهلة والدول تتعامل بشراسة في مجال الإتفاقيات حتى مع الأسواق الصغرى ...
الطلاين زادا عندهم في التقليد وعندهم برشا شركات تخدم mutation ...
عندكش حاجة تحب تقلدها وإلا تصنعها ...
قانون المنتدى ما يسمحش بالإشهار ،في صفاقس في نهج الجزائر ثمة برشا مصنعين يقلدولك أي آلة كيما الي تكسر اللوز و زادا في مدينة سيدي علي بن عون في بوزيد ثمة حداد يصنعلك أي آلة فلاحية تشوفها في الانترنت و عنا في إسطمبول مهندس إلكتروميكانيك تونسي زادا يصنع آلات cnc ...
هل نقدر على اللحاق بركب الدول المقلدة ؟
أخلاقيا هل تقبل السطو على أفكار و مجهودات الدول الأخرى؟
Enregistrer un commentaire