تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.
بعد تصفح عدة بروفايلات
بصراحة لاحظت اغلب الفقرات هي منسوخة و لوغة خشبية
خصوصا هبلوني برشة عباد عام الكوفيد و تحب تبين كونها ما ارتاحتش جملة باش ما يعملش نقبة في المسيرة المهنية.
زدت كرهت منهم برشة اللي ناشطين في البلوكشين زعمة زعمة و العملات الرقمية و عندهم قنوات يوتوب و شركة كاردانو مخلصتهم رشوة باش يحكيوا و يڨنفلوا حكاية hype.
80% من المعلومات في اللنكدين كلها كذب و حشو. كلها خدمت بعد التخرج، كلها قصاصات الضمان الاجتماعي مريڨلة و ما فماش بطالة او فترة شركة فلست، او واحد طردوه الخ.
اغلب عروض الشغل التونسية اللي فيه حشوية: الشركة اللي تحب تندتب بالحق تستعمل خاصية الانتداب، و ليس تهبط ستاتي و تقوللهم ابعثوا السيرة الذاتية. و كل شهر نفس الستاتي، و هي الحكاية الكل اشهار غير مباشر زعمة زعمة امورنا في الجبن و هانا قاعدين ننتدبوا.
التبزنيس في الفايبسوك صعيب برشة لان المنافسة فيه شديدة، و اغلبيتهم "اميرة في بيت ابي" و "ملكة في بيت زوجي".
قوة اللينكدين يعطيك المهندسات الكل، و اغلبيتهم عازبات، و زيد تنزل عل التصويرة تتحلك متاع الطفلة.
بخلاف ذلك، عندك المشروعية باش تحكي مع اي طفلة على اساس علاقات مهنية و اولاد دومان الخ.
شقيقي، بعد زواج فاشل من اسيوية (ما تاقلمش غاديكة و ديما يحسابوه امريكاني) نجح في التعرف على مهندسة تونسية بفضل اللينكدين، بعد محاولات فايسبوكية فاشلة.
الزواج بمهندسة استثمار قوي برشة، افضل ياسر من اللي يلمدوا في الزبلة و كل مرة يجيبوا واحدة عاملة اجازة و تخدم "عاملة نظافة" ، و الشعبوية متاع "نطالب الدولة بالتشغيل" اللي تترجم "نحبوا شهرية بستنة" و شعار "شغل حرية كرامة وطنىه"، طلعت الترجمة متاعو "بستنة، شهرية ،منفعة شخصية".
هذا دليل على انو التكنولوجيا الغربية اتنجم تكون عندها استعمالات مغايرة في دولة اخرى
Enregistrer un commentaire