الجلسة هذي جلسة إستماع حول تونس في أمريكا موضوعها بلادنا...في التاريخ الامريكي الحديث ثمة معركة معروفة إسمها the kasserine pass الاحداث سارت هنا هنا ...خاطر في بلادي مازالو ثمة عزايز حضرو على معارك الحرب العالمية الثانية .
وجارنا سهرت معاه عملول في الصيف حدثني على مجاعة سارت بداية القرن هو تسعيني ،وقتها فرانسا منعت نقل الحبوب.
حسب حديثو في بداية طفولتو سنة 1945 ...
يعني في الأربعينات من القرن الماضي بلادنا كانت ساحة صراع عالمي ولتو تمثل ساحة صراع ،خاطر نسمعو بنفوذ بريطانيا في تونس اللي يحكو عليها أولاد حزب التحرير ديما في خطاباتهم و يحكو على نفوذ إيطاليا الي يقولو عندها 700 شركة في تونس ومساهمة في أوتوروت صفاقس ڨابس ...و فرانسا و حتى إيران ثمة إشاعات الي عندها نفوذ في تونس...
كي نشوفو النقاش متاع الامريكان يتحدثو علينا كأننا ولاية تابعتهم ...يمكن ما فهمتش بالباهي ال discours لكن حسب تحليلي الشخصي ثمة نوع من الوصاية الواضحة و أنهم موش فاهمين برشا شنوا قاعد يصير في البلاد ...
اللي عندو شوي وسع بال يزيد يحللنا الفيديو ويفسرلنا شنوا يحبو بالظبط وهل الجلسة عندها تأثير على المدى القريب و البعيد؟
إرسال تعليق