تلقاهم 200 300 بشر أغلبيتهم سكارا مع 4 متاع صباح قدام حانوت متاع أكلة سريعة يقشرو في الخبز ويترنحو يمين ويسار ومبعد يمد هاك الصحفة للمعلم يعبيهالو بلهريسة المالحة والماء السخون والحمص ويزيد يحلو كعبتين عضم بليد إلى تملغص في الفلوس ويمشي سي وخينا يبدأ يخلط ويلوح في فمو ويعدي بهاك الترشي المالح المقرص ولا في بالو لا في دراه إلى قاعد يضر في روحو بعد ما عباها بشراب والألكول ماكلة المالح خايبة وتطلع الدم وينجم يقعد يعاني حياتو كاملة لولا كان تجي تنصحو يشريهالك ويردك قننو وفينو
Enregistrer un commentaire