الي ما تقالش في التلافز

أسباب إستبعاد معز حسن و عادل السليمي من المنتخب الوطني
في ركنية الهدف الثاني للجزائر عادل السليمي طلب من معز حسن يقدم و يخلي الڨول فارغ خاطر الوقت وفى و ما عنا ما نخسرو
منذر الكبير رفض و قال لمعز ارجع للكاج و شد صحيح بش يرجع
معز حسن سمع كلام عادل السليمي و طلع يش يعاون و احتقر كلام الكبير لأنو تخسر 1-0 أو 2-0 كيف كيف
بعد المقابلة صار خلاف كبير برشا بين عادل السليمي و منذر الكبير و وصلو لتبادل الشتائم بشهادة لاعبين من المنتخب الوطني
منذر الكبير قرر أنه يعاقب معز حسن و معادش يستدعاه و طلب من وديع الجريء إقالة عادل السليمي و هذا لي صار
مع الأسف هذا إلي صاير في المنتخب مشاكل و عرك و تكمبين و حطان عصا في عجلة و الخاسر الوحيد هو الجمهور
عادل السليمي عندو عرض من فريق كبير في الخليج و قرر أنه معادش يكون مساعد و يحب يكون المدرب الأول في المستقبل
بعض من الكواليس و الأحداث في أروقة المنتخب الوطني و التي لم يتم التطرق لها بتفاصيل
منذ مباراة غينيا الاستوائية إلي خسر فيها المنتخب، وديع الجريئ اتصل بالمدرب الفرنسي Jean Louis Gasset و تفاهم معاه أنه بش يكون المدرب القادم للمنتخب و تفاهمو على شهرية 35 الف دينار في الشهر

Jean Louis Gasset بدى يخدم في خدمتو و وصل كلم الخزري و ديلان برون و الخاوي إلي موجودين في فرنسا و تبع الكأس العربية من أول ماتش
بعد خسارة مباراة سوريا وديع الجريء خذى القرار الرسمي لإقالة منذر الكبير بعد ما توفى الكأس العربية مهما كانت النتائج و كلم المدرب الفرنسي بش يحضر روحو لاستلام المنتخب و تحضير قائمتو للكان
أخبار إقالة منذر الكبير تسربت داخل المنتخب و وصلت لوزير الرياضة إلي نقلها شخصيا لقيس سعيد إلي بعد مباراة النهائي كلم منذر الكبير و طمنو أنه يش يقعد مدرب و أن وديع الجريء مش بش ينجم يبدلو
وديع الجريء حس إلي كلمتو تكسرت و تغشش برشا و ما نجمش يتحدى قيس سعيد و الوزير
علي معلول قبل ماتش النهائي ضد الجزائر قال للمدرب أنه مازال مضروب وما ينجمش يلعب 90 دقيقة. بعد 3 ايام علي معلول لعب ماتش كامل مع الاهلي ضد الرجاء
بعد الحاجة هاذي منذر الكبير قرر أنه ما يستدعاش علي معلول في الكان و نحى زادة فرجاني ساسي و معز حسن يش ينقص الضغط على روحو خاطر الجمهور كان متغشش عليهم
وديع الجريء رفض قائمة المنتخب إلي عملها منذر الكبير و عمل اجتماع مع منذر الكبير دام 3 ساعات
بعد الاجتماع إلي دام 3 ساعات و إلي كان فيه الجو سخون برشا قرر الجريء و الكبير أنهم يخرجو قائمة فيها 18 ملاعبي حتى لين يلقاو صيغة مفاهمة في استدعاء معلول و ساسي.
مختصر الحديث : الأجواء مشحونة جدا في المنتخب الوطني