صباح الخير,
اليوم الصباح يأتيني خبر وفاة قريبتي بعد صراع من الفيروس اللعين, أول شيء ربي يرحمها و يخفف عليها هذا حكم ربي و قضاء و قدر لا جدال فيه أما حبيت نشارك معاكم مثال حي على الجهل كيفاش ينجم يقضي حرفيا على الناس. قريبتي الي توفات عمرها فوق الستين و ناداوها للتلقيح و مامشاتش لقحت علاش؟ خاطر ولادها بكل بساطة منعوها من ذلك قال شنوة مؤامرة و التلقيح عاملينو الغرب بش يقضيو علينا و هات من هاك اللاوي عاد ماكم تعرفوه. مرأة مريضة بالدم و السكر و مرضت قبل بالسرطان و فوق ال60 سنة و ماتمشيش تلقح. هي زوالية الله يرحمها لا تعرف لا تقرى لا تكتب أما بجاه ربي هذا هذا موش اجرام من أولادها في حقها؟ هذا مثال على حالة بسيطة عاينتها و الأكيد فما الآلاف من الحالات كيما هكا, ناس ترفض التلقيح بإيعاز من الأبناء و مبعد تمشي في العفس...نهاركم زين
إرسال تعليق